Elecciones y Anarquismo

Os temas que preocupavam aos companheiros fai cento cinquenta ou há quinze anos reaparecem, com algumhas diferenças, principalmente relacionadas com o avanço dos meios de produçom e de reproduçom da vida quotidiana, a relaçom com o mundo laboral e as ferramentas de comunicaçom, com a subsistencia diária, mas com questons de base que se mantenhem intactas.

A questom eleitoral, proposta nestas folhas, que afeta a outros pontos claramente relacionados (a democracia, a delegaçom, a representaçom, o reformismo) é um destes temas.

Baixo o nome Anarquismo e eleiçons apresentamos aqui umha série de textos que se publicarom em diferentes maneiras e formatos. A primeira parte corresponde à famosa polémica entre Errico Malatesta e Saverio Merlino durante todo o ano 1897 em diferente publicaçons revolucionárias da época.

A segunda parte está composta de um texto de Alfredo M. Bonanno editado originalmente em forma de opúsculo, o qual complementa e atualiza os argumentos de Malatesta sobre o assunto.